ཚངས་དབང་དགེ་འདུན་བསྟན་པ།

སྤྱིར་བཤད་ན་རྡོ་བརྐོས་ཀྱི་མ་ཎི་ཡིག་དྲུག་ནི་བོད་ཡུལ་གྱི་ས་ཆ་གང་ས་གང་དུ་རྒྱུན་པར་མཐོང་ཐུབ་པ་ཞིག་ཡིན་པས། དེ་དག་མིག་ལམ་དུ་སྣང་སྐབས་ངས་དམིགས་བསལ་ཞིག་ཡིན་སྣང་དྲན་མ་བྱུང་། ཡིན་ནའང་། ཡིག་གཟུགས་ཁྱད་པར་བ་དང་། རི་མོ་དམིགས་བསལ་ཅན[1]དང་ལྷན་དུ་བརྐོས་ཡོད་པ་དེ་འདྲ་མཐོང་དུས་རིན་ཐང་ཆེ་བར་བསམས་ནས་དོ་སྣང་བྱས་དང་བྱེད་ཀིན་ཡོད།

དེ་ཡང་འདིར་བོད་ཀྱི་རྒྱལ་སྲས་ཤིག་དང་བློན་ཆེན་ཞིག་སྲུང་མར་གྱུར་ཚུལ་གྱི་ལོ་རྒྱུས་ཤིག་གླེང་བར་བྱ། སྐབས་འདིའི་རྒྱལ་སྲས་ནི་ཙོང་ཁ་རྒྱལ་པོའི་མི་རབས་བཞི་པར་བཤད་པ་ཡིན་ལ། བློན་ཆེན་ནི་བློན་ཆེན་པོ་བྲལ་ཀ་དཔལ་གྱི་ཡོན་ཏན་ཟེར་བ་མངའ་བདག་ཁྲི་རལ་གྱི་བློན་ཆེན་ལ་གོ་དགོས་པ་ཡིན།རྒྱལ་སྲས་ཀྱི་ལོ་རྒྱུས་ནི་དེ་འདྲའི་གསལ་བོར་འཁོད་པ་མི་སྣང་ཡང་།