སྨན་རམས་པ། སྦྲ་གཉིས་ཟླ་བ་ཚེ་རིང་།

གསོ་བ་རིག་པའི་སྨན་རྫས་ལས་གུར་ཀུམ་ནི་རྒྱ་ཁྱབ་ཏུ་སྤྱོད་པའི་རྩི་སྨན་གལ་ཆེན་ཞིག་ཡིན། འདི་ནི་རོ་མངར་བ་དང་ནུས་པ་བསིལ་བས་ཚ་བ་སྤྱི་འཇོམས་ཀྱི་སྨན་དང་། མཆིན་ནད་ཀུན་སེལ་བས་མཆིན་སྨན་མཆོག་ཏུ་གྱུར་པ། དེ་བཞིན་ཁྲག་གཅོད་ཀྱི་ནུས་པ་ལྡན་པའི་སྨན་རྫས་ཤིག་ཡིན།

གསོ་བ་རིག་པ་ནི་བོད་ཀྱི་ས་ཐོག་ནས་འཁྲུངས་ཤིང་རིམ་པས་དེ་དང་འབྲེལ་བའི་ཡུལ་གྲུ་ཁག་ལ་དར་ཁྱབ་སོང་བའི་སྲོལ་རྒྱུན་སྨན་དཔྱད་རིག་པ་ཞིག་ཡིན། རིག་པ་འདིའི་རྩ་གཞུང་དཔལ་ལྡན་རྒྱུད་བཞི་འདི་ཡང་བོད་ཀྱི་མཁས་པ་རྗེ་གཡུ་ཐོག་པས་བོད་ཀྱི་རང་འབྱུང་ཁམས་དང་། མི་རིགས། འཁོར་ཡུག་བཅས་ལ་གཞིགས་ཏེ་གདོད་མའི་བོད་ཀྱི་སྨན་དཔྱད་དང་།