སྨན་རིའི་དགེ་བཤེས་ཁྲི་གཡུང་དྲུང་།

འདི་ནི་གསར་དུ་རྙེད་སོན་བྱུང་པའི་བཀའ་ཤོག་ཅིག་ཡིན། དེ་སྔར་བོད་རིག་པའི་མཁས་པ་སུས་ཀྱང་འདི་ལ་ཞིབ་འཇུག་བྱས་མྱོང་མེད། ཕྱི་ལོ(1903)བོད་ཆུ་ཡོས་ལོར་མཛད་པའི་མཁའ་འགྲོ་འོད་ལྡན་བཟང་མོ་(1849-1913)ཞེས་པའི་བཀའ་ཤོག་ཏུ་གྲགས་པ་ཞིག་རེད། ད་ལྟ་མདོ་སྨད་དོ་ཞི་བོན་པོ་དགོན་པར་ཉར་ཡོད།

ཐོག་མར་‘‘ཁྱུང་མོ་’’ཞེས་པའི་མཚན་ཟུར་གྱི་ཁྱུང་གི་གོ་དོན་ནི། སྤྱིར་ཁྱུང་ཞེས་པ་འདབ་ཆགས་ཁྱུང་དང་རུས་ཁྱུང་གཉིས་སུ་གོ་རྒྱུ་ཡོད་སྟེ། ‘‘འདིར་ཞུང་གི་སྐད་དོད་དུ་གྱུར་པའི་ཁྱུང་གི་འཇུག་གཞིར་འདབ་ཆགས་ཁྱུང་དང་རུས་རྒྱུད་ཁྱུང་གཉིས་ཀར་བདོག་པར་སྣང་སྟེ། ཞང་སྐད་དུ་ཞུང་ཁྱུང་དང༌། ཏིང་ཞུང་ཁྱུང་སྔོན་དང༌། ཞུང་ཞག ཁྱུང་ནག་ལ་གོ་བར་འདུག 

གནའ་བོའི་བོན་གྱི་དཔེ་རྙིང་<<མཛོད་སྒྲ་འགྲེལ་>>ཞེས་པའི་ཕྱག་དཔེ་དེའི་མཚན་ཆ་ཚང་ལ་<<བདེན་པ་བོན་གྱི་མཛོད་སྒོ་སྒྲ་འགྲེལ་འཕྲུལ་གྱི་ལྡེ་མིག་>>ཅེས་ཞུ། འདིའི་མ་དཔེ་ཡང་ཧ་ཅང་དཀོན་པ་དང་ད་སྔ་མ་དཔེ་གཅིག་[1]ལས་རྙེད་སོན་བྱུང་མེད། དེ་ཡང་དོལ་པོ་བསམ་གླིང་དགོན་ནས་ཡིན་པར་གྲགས་པ་དང་། ད་ཆར་རྒྱ་གར་སྨན་རི་དགོན་དུ་བཞུགས་ཡོད།